Historia
Il Chor mischedau Sedrun ei vegnius fundaus igl onn 1914. Da lezs onns existevan a Sedrun gia dus chors: il Chor viril Sedrun, ed il Chor viril baselgia Sedrun e la Societad da musica Sedrun.
Dil «Chor mischedau Sedrun» tier «Las vuschs dil Rein»
Igl onn 2018 han cantaduras e cantadurs decidiu da far ina midada dil num dil chor sin «Las vuschs dil Rein». Gia dapi enzacons onns havevan pliras cantaduras e cantadurs da Mustér e Medel frequentau las emprovas dil Chor mischedau Sedrun. En vesta a quei fatg ei lu vegniu priu la decisiun d’adattar il num dil chor. Sco chor sut il niev num «Las vuschs dil Rein» han las finamiras dil chor saviu vegnir slargadas e cumpletadas.
Actualmein sepresenta il chor en las treis vischnauncas ulivamein ed enramescha en quellas las occurrenzas localas. En ina seria da concerts secontinuescha l’activitad concertanta era cun organisar concerts communabels cun auters chors e formaziuns sin la ruta per liung il Rein. Da quels concerts neschan buns contacts suls cunfins ora e giavinan bein enqual hosp da visitar ni passentar vacanzas el contuorn dalla tgina dil Rein.
El center cantic stat la tgira dalla canzun romontscha. Quella dueigi aschibein survir alla promoziun dalla cultura indigena sco era vegnir purtada sur ils cunfins dalla Romontschia.
Ils concerts principals han liug mintg’onn ils 26 e 27 da december cul concert da Nadal e lu l’entschatta zercladur cul concert profan cun in chor hospitont. Quei concert vegn mintgamai repetius il settember per Rogaziun federala.
Dirigents
1914-1922 Gion Antoni Monn
1922-1948 sur Giachen Antoni Fetz
1948-1955 Toni Hendry
1956-1959 Vic Hendry
1959-1969 Alfons Schmet
1969-1993 Norbert Vinzens
1993-2000 Tarcisi Hendry
2000-2001 Albert Spescha
2003-2005 Reka Domjan
2005-2008 Jacinta Jacomet
2008-2012 Maria Regina Wilms
2012-2015 Gieri Spescha
Dapi 2015 Claudio Simonet
© Tarcisi Hendry (https://www.historia-tujetsch.ch)